Myunxenning "Bavariya" klubi "Vilyarreal" himoyachisi Pau Torresning agentlari bilan bog‘lanib, futbolchiga qiziqish bildirgan.

Jurnalist Kerri Xouning so‘zlariga ko‘ra, futbolchining o‘zi Tomas Tuxel jamoasiga o‘tish g‘oyasini qo‘llab-quvvatlaydi.

Manba bergan xabarga ko‘ra, ispaniyalik futbolchiga "Bavariya" bosh murabbiyining uslubi juda yoqadi, u jamoada yangi markaziy himoyachini ko‘rishni xohlaydi.

Ayni vaqtda Torresga Turinning "Yuventus" klubi va "Aston Villa" ham qiziqish bildirmoqda.

Torresning "Vilyarreal" bilan shartnomasi tugashiga bir yil qoldi. Transfermarkt 26 yoshli himoyachini 45 million yevroga baholamoqda.