"Sautgempton" yarim himoyachisi Romeo Laviyaga Angliya Premyer-ligasining uchta yetakchi klubi qiziqish bildirmoqda.
Taniqli jurnalist Fabrisio Romanoning so‘zlariga ko‘ra, "Arsenal" yosh yarim himoyachining atrofidagilar bilan yaxshi munosabatda ekanligini ta’kidlab o‘tgan. Ma’lum qilinishicha, tomonlar o‘rtasida muzokaralar allaqachon bo‘lib o‘tgan. "Chelsi" va "Manchester Yunayted" ham unga qiziqish bildirayotgani ma’lum, ammo bu klublar yarim himoyachining ehtimoliy transferida kamroq faollik ko‘rsatishgan.
Eslatib o‘tamiz, Romeo Laviya 2022/2023 yilgi mavsum boshlanishidan avval "avliyolar" safiga qo‘shilgan edi. Transfermarkt portali 19 yoshli belgiyalik futbolchining narxini 25 million yevroga baholamoqda.