"Саутгемптон" ярим ҳимоячиси Ромео Лавияга Англия Премьер-лигасининг учта етакчи клуби қизиқиш билдирмоқда.
Таниқли журналист Фабрицио Романонинг сўзларига кўра, "Арсенал" ёш ярим ҳимоячининг атрофидагилар билан яхши муносабатда эканлигини таъкидлаб ўтган. Маълум қилинишича, томонлар ўртасида музокаралар аллақачон бўлиб ўтган. "Челси" ва "Манчестер Юнайтед" ҳам унга қизиқиш билдираётгани маълум, аммо бу клублар ярим ҳимоячининг эҳтимолий трансферида камроқ фаоллик кўрсатишган.
Эслатиб ўтамиз, Ромео Лавия 2022/2023 йилги мавсум бошланишидан аввал "авлиёлар" сафига қўшилган эди. Transfermarkt портали 19 ёшли белгиялик футболчининг нархини 25 миллион еврога баҳоламоқда.