Мадриднинг «Реал» клубининг янги аъзоси Бернарду Силва футболдаги кумирлари ким эканини айтди, шунингдек, «қаймоқранглилар» устози Жозе Моуриньо ҳақида ўз муносабатини билдирди. Аввалроқ «Манчестер Сити»да тўп сурган 31 ёшли ярим ҳимоячи Испания клубига эркин агент сифатида келиб қўшилди.

«Менинг кумирларим жуда кўп ва Зидан, шубҳасиз, улардан бири. Шунингдек, Руй Кошта ҳам, чунки у «Бенфика» ва Португалия терма жамоасида ўйнаган. Модрич эса мен учун майдонда ҳам, майдондан ташқарида ҳам мўлжал ва ўрнак бўлган. Зидан, эҳтимол, футбол тарихидаги энг яхши 5 нафар футболчи қаторига киради. У тахминан менинг позициямда ўйнаган ва болалигимда унинг майдондаги ҳаракатларини ва тўпни қандай назорат қилишини кузатар эдим», — деди Силванинг сўзларини келтирган Marca.

Мадридликлар сафига ўтгунга қадар Силва Моуринью билан фақат рақиб сифатида тўқнаш келган эди.

«Биз бир неча бор майдоннинг қарама-қарши томонларида бўлганмиз, энди эса бир жамоадамиз. Моуриньо — Португалия футболи учун жуда катта аҳамиятга эга бўлган мураббий. Болалигимиздан бери унинг жамоаларини кузатиб келганмиз, у доимо Португалия номини энг юқори даражага олиб чиққан. Мен у билан ишлаш ва ундан ўрганиш имкониятига эга бўлганимдан жуда хурсандман», — дея таъкидлади ярим ҳимоячи.

Аввалроқ Бернарду Силва клубга ўтиши мавзусида изоҳ берган эди.