Norvegiya terma jamoasi hujumchisi Erling Xoland va serbiyalik hujumchi Aleksandr Mitrovich Millatlar ligasining 2022/23 yilgi mavsumida eng yaxshi to‘purarlar bo‘ldi.
Har ikki futbolchi oltitadan gol urdi. Uchinchi o‘rinni Xvicha Kvarasxeliya (Gruziya), Vladislavs Gutkovskis (Latviya) va Vedat Muriki (Kosovo) bo‘lishdi. Uchalasining ham beshtadan goli bor.
Ispaniya terma jamoasi 2023 yilgi Millatlar ligasida g‘olib chiqdi. 2021 yilda ispanlar finalda Fransiyaga yutqazib, kumush medallarni qo‘lga kiritishgandi.
Italiya uchinchi o‘rin uchun kechgan bahsda Niderlandiyani 3:2 hisobida mag‘lub etdi.