Норвегия терма жамоаси ҳужумчиси Эрлинг Холанд ва сербиялик ҳужумчи Александр Митрович Миллатлар лигасининг 2022/23 йилги мавсумида энг яхши тўпурарлар бўлди.
Ҳар икки футболчи олтитадан гол урди. Учинчи ўринни Хвича Кварацхелия (Грузия), Владиславс Гутковскис (Латвия) ва Ведат Мурики (Косово) бўлишди. Учаласининг ҳам бештадан голи бор.
Испания терма жамоаси 2023 йилги Миллатлар лигасида ғолиб чиқди. 2021 йилда испанлар финалда Францияга ютқазиб, кумуш медалларни қўлга киритишганди.
Италия учинчи ўрин учун кечган баҳсда Нидерландияни 3:2 ҳисобида мағлуб этди.