Ispaniyalik darvozabon David de Xea “Manchester Yunayted”ni tark etish niyatida emas.

The Telegraph jurnalistlari xabariga ko‘ra, darvozabon murabbiylar shtabi va rahbariyat bilan suhbatlashgan va unda u "Old Trafford"da qolish istagini bildirgan.

Manbaning qayd etishicha, De Xea hatto “qizil iblislar”ning zaxira darvozaboni roliga ham tayyor. Ispaniyalik futbolchini klubdagi maoshi qoniqtirmoqda, shuningdek, u jamoa va shaharga qattiq bog‘lanib qolgan.

David 2011 yilning iyulidan beri "Manchester Yunayted" sharafini himoya qilib kelmoqda. Tomonlar o‘rtasidagi amaldagi shartnoma iyun oyi oxirida tugaydi.

Darvozabon o‘tgan mavsumda Premyer-ligada 38 ta o‘yinda maydonga tushib, 43 ta gol o‘tkazib yuborgan.