Испаниялик дарвозабон Давид де Хеа “Манчестер Юнайтед”ни тарк этиш ниятида эмас.
The Telegraph журналистлари хабарига кўра, дарвозабон мураббийлар штаби ва раҳбарият билан суҳбатлашган ва унда у "Олд Траффорд"да қолиш истагини билдирган.
Манбанинг қайд этишича, Де Хеа ҳатто “қизил иблислар”нинг захира дарвозабони ролига ҳам тайёр. Испаниялик футболчини клубдаги маоши қониқтирмоқда, шунингдек, у жамоа ва шаҳарга қаттиқ боғланиб қолган.
Давид 2011 йилнинг июлидан бери "Манчестер Юнайтед" шарафини ҳимоя қилиб келмоқда. Томонлар ўртасидаги амалдаги шартнома июнь ойи охирида тугайди.
Дарвозабон ўтган мавсумда Премьер-лигада 38 та ўйинда майдонга тушиб, 43 та гол ўтказиб юборган.
