Myunxenning "Bavariya" klubi rahbariyati Angliya terma jamoasi va "Manchester Siti" himoyachisi Kayl Uokerga taklif qilgan shartnoma tafsilotlari ma’lum bo‘ldi.
Bild nashri xabariga ko‘ra, Germaniya chempioni himoyachiga ikki yillik shartnoma taklif qilgan, bu esa yana bir mavsumga uzaytirilishi mumkin. Myunxenliklar kelishuv joriy transfer oynasida amalga oshishiga ishonmoqda.
O‘tgan mavsumda Kayl “Manchester Siti” safida 39 ta o‘yinda maydonga tushib, 1 ta golli uzatmaga mualliflik qilgan. Uoker 2017 yildan beri ingliz klubi sharafini himoya qilib kelmoqda. Uning shartnomasi keyingi yozda yakuniga yetadi.













