Мюнхеннинг "Бавария" клуби раҳбарияти Англия терма жамоаси ва "Манчестер Сити" ҳимоячиси Кайл Уокерга таклиф қилган шартнома тафсилотлари маълум бўлди.
Bild нашри хабарига кўра, Германия чемпиони ҳимоячига икки йиллик шартнома таклиф қилган, бу эса яна бир мавсумга узайтирилиши мумкин. Мюнхенликлар келишув жорий трансфер ойнасида амалга ошишига ишонмоқда.
Ўтган мавсумда Кайл “Манчестер Сити” сафида 39 та ўйинда майдонга тушиб, 1 та голли узатмага муаллифлик қилган. Уокер 2017 йилдан бери инглиз клуби шарафини ҳимоя қилиб келмоқда. Унинг шартномаси кейинги ёзда якунига етади.
