Madridning “Atletiko” klubi “PSJ” yarim himoyachisi Marko Verrattini transfer qilish niyatida. Marca xabariga ko‘ra, "matraschilar" rahbariyati italiyalik futbolchining transferini real deb hisoblamoqda.
Eslatib o‘tamiz, "PSJ" rahbariyati Verratti jamoaga kerakligiga shubha qilgan, shu sababli klubda potensial sotish g‘oyasi paydo bo‘lgandi. Italiyalik futbolchi parijliklar jamoasida 2012 yildan buyon o‘ynab kelmoqda.
Yarim himoyada "Atletiko" uchun yana bir variant - "Barselona" futbolchisi Frank Kessie. Avvalroq Verrattiga "Roma" va "Manchester Siti" klublari qiziqqan edi, biroq italiyalik futbolchining bu jamoalarga o‘tishi hozirda dargumon.