Kilian Mbappe bilan transfer dostoni tobora kuchayib bormoqda. Futbolchi yaqinda omma oldida "PSJ" bilan shartnomasini uzaytirish variantini faollashtirmasligini aytdi. Shu bilan birga, Mbappe keyingi mavsumni Parijda o‘tkazishni rejalashtirayotganini aytdi. Bunday ssenariyda parijliklar futbolchining transferidan hech narsa ishlab olmaydi.
Bir kun avval matbuotga "PSJ" Mbappega qattiq ultimatum qo‘ygani haqida ma’lumot sizdirilgandi, unda shartnomani mavsumoldi boshlangunga qadar uzaytirgan yoki shu yozda sotilishi ko‘zda tutilgan. Ammo Kilian pulini yo‘qotish niyatida emas. "PSJ"da 2023/2024 yilgi mavsum uchun u 150 million yevro ishlab olishi kerak (60 million maosh + 90 million sodiqlik bonusi sifatida). Futbolchining pozisiyasi quyidagicha - yo bu pulni oladi, yoki shartnomani bajarib, tekinga ketadi, deb yozmoqda Marca.
Manbaga ko‘ra, Mbappe kelasi mavsum uchun 150 million yevro ishlab olishni, qishda esa "Real" bilan 100-125 million yevrolik bonus bilan dastlabki shartnoma tuzishni rejalashtirgan. Umuman olganda, "PSJ" qiyin ahvolda.
