Килиан Мбаппе билан трансфер достони тобора кучайиб бормоқда. Футболчи яқинда омма олдида "ПСЖ" билан шартномасини узайтириш вариантини фаоллаштирмаслигини айтди. Шу билан бирга, Мбаппе кейинги мавсумни Парижда ўтказишни режалаштираётганини айтди. Бундай сценарийда парижликлар футболчининг трансферидан ҳеч нарса ишлаб олмайди.

Бир кун аввал матбуотга "ПСЖ" Мбаппега қаттиқ ультиматум қўйгани ҳақида маълумот сиздирилганди, унда шартномани мавсумолди бошлангунга қадар узайтирган ёки шу ёзда сотилиши кўзда тутилган. Аммо Килиан пулини йўқотиш ниятида эмас. "ПСЖ"да 2023/2024 йилги мавсум учун у 150 миллион евро ишлаб олиши керак (60 миллион маош + 90 миллион содиқлик бонуси сифатида). Футболчининг позицияси қуйидагича - ё бу пулни олади, ёки шартномани бажариб, текинга кетади, деб ёзмоқда Marca.

Манбага кўра, Мбаппе келаси мавсум учун 150 миллион евро ишлаб олишни, қишда эса "Реал" билан 100-125 миллион евролик бонус билан дастлабки шартнома тузишни режалаштирган. Умуман олганда, "ПСЖ" қийин аҳволда.