Франция терма жамоаси сардори Килиан Мбаппе 2026 йилги жаҳон чемпионатини саккизта ўйинда 10 та гол билан якунлаб, мусобақанинг энг яхши тўпурари сифатида «Олтин бутса» совринини қўлга киритди.
Opta маълумотига кўра, француз ҳужумчиси жаҳон футболи тарихида жаҳон чемпионатида икки марта «Олтин бутса» соҳиби бўлган илк футболчига айланди.
Жаҳон чемпионатининг энг яхши тўпурарига бериладиган ушбу соврин илк бор 1982 йил Испанияда ўтказилган мундиалдан буён топшириб келинмоқда. Шунингдек, 27 ёшли форвард 2026 йилги жаҳон чемпионатининг «гол+пас» тизими бўйича ҳам энг сермаҳсул футболчиси бўлди. У турнирда 10 та гол ва 4 та голли узатма билан жами 14 самарали ҳаракат қайд этди.
Турнир финалида Испания терма жамоаси қўшимча вақтда Аргентинани 1:0 ҳисобида мағлуб этди. Ғалаба голини Ферран Торрес учрашувнинг 106-дақиқасида киритди.
Энди Мбаппенинг жаҳон чемпионатлари доирасидаги голлари сони 22 тага етди ва бу мусобақа тарихидаги энг яхши натижа ҳисобланади.
