“Chelsi” himoyachisi Kalidu Kulibali Saudiyaning “Al-Hilol” klubiga o‘tdi, deb xabar beradi “ko‘klar” rasmiy sayti. Kelishuv tafsilotlariga aniqlik kiritilmagan.
32 yoshli Kulibali 2022 yilning iyulida "Napoli"dan "Chelsi"ga o‘tgan edi. 2022/23 yilgi mavsumda futbolchi londonliklar safida 32 ta o‘yinda maydonga tushib, 2 ta gol va 1 ta golli uzatmani amalga oshirgan.
Transfermarkt portali himoyachining narxini 15 million yevroga baholamoqda.