Yarim himoyachi Adriyen Rabyo Turinning “Yuventus” klubida qolishga rozi. Il Correira Della Sport xabariga ko‘ra, fransiyalik yarim himoyachi klub bilan bir yilga mo‘ljallangan yangi shartnoma shartlarini kelishib olgan.
Manbaning aytishicha, Rabyo kelasi chorshanba kuni yangi shartnoma imzolaydi. Futbolchining avvalgi shartnomasi nihoyasiga yetdi, biroq “keksa sinyora” rahbariyati uni hech bo‘lmaganda qisqa muddatda qolishga ko‘ndirishdi.
Eslatib o‘tamiz, avvalroq Rabyoga birdaniga bir nechta klublar qiziqish bildirayotgan edi.
