"Arsenal" 1992 yildan beri (APL davrida) golland futbolchilaridan ko‘plab talantlarga ega bo‘lgan. Ularning ba’zilari Londonda zafar quchgan, qolganlar esa yo‘q. "Ayaks" himoyachisi Yurriyen Timber "Arsenal"ning navbatdagi lolalar yurtidan olgan vakiliga aylanishi mumkin. Shu asnoda biz bugun tarixga murojaat qilib, bu jamoaning niderland futbolchilarini baholab ko‘rdik.
Glenn Elder
1995 yilning fevralida olib kelingan futbolchi, jamoa ustozi Jorj Gremning so‘nggi xaridi bo‘ladi. Hujumchi "Arsenal"da asosan zaxiradan maydonga tushar va foydali ishlarni amalga oshirardi. Elderning eng esda qolarli vaziyati sifatida uning Bergkampga uzatgan ajoyib krossini eslash kifoya. Afsuski, futbolchi jamoani erta tark etadi.
Jovanni van Bronkxorst
2001 yilning iyunida 8 million funt evaziga yarim himoyachi xarid qilinadi. Sobiq Niderlandiya terma jamoasi a’zosi "Arsenal"dagi davrida uchta sovrinni qo‘lga kiritadi. Avvaliga ikkita Angliya kubogi, keyin esa APL yutib olingan. Afsuski, van Bronkxorst jarohatlar sababli asosiy tarkibdan tushib qola boshlaydi. Futbolchi "Arsenal" safida jami 64 ta o‘yin o‘tkazgan. U 2003 yilda "Barselona"ga sotib yuboriladi.
Mark Overmars
Angliya Premyer-ligasi ko‘rgan eng tezkor futbolchilardan biri, raqibni dahshatga solardi. U 1997-98 yildagi liga va kubokni yutishda Arsen Vengerga katta yordam beradi. Muxlislar uning Angliyada o‘tkazgan g‘alabali yillarini hech qachon unutmaydi.
Robin van Persi
Jamoa bilan xayrlashish balki yaxshi bo‘lmagandir. Ammo van Persi o‘zining yuqori sport formasida fantastik darajaga ega bo‘lgan. U "Arsenal" uchun 278 ta o‘yinda 132 ta gol urishga erishadi. Van Persi 2011-12 yilgi mavsumda jami 37 ta golga mualliflik qiladi. Ajoyib hujumchi ashaddiy raqib jamoa bo‘lgan "MYU"ga yo‘l olgan edi.
Dennis Bergkamp
Birinchi o‘rinda yana kimnidir tasavvur qilganmidingiz? Albatta, unday qila olmaysiz. Dennis APL tarixidagi eng texnikasi kuchli futbolchilardan biri bo‘lgan. U haqida Arsen Venger shunday degandi: "Agar sizning jamoangizda Bergkamp kabi futbolchi bo‘lsa, unga qanday futbol o‘ynashni o‘rgatishingiz shart emas. Shunchaki, siz unga jamoadan shunday joy berishingiz kerakki, u o‘z mahoratidan maksimum foydalana olsin".
ISMATOV J.
