Myonxengladbaxning "Borussiya" klubi hujumchisi Markus Tyuram tez orada "Inter" futbolchisiga aylanadi.
Xabarlarga ko‘ra, hujumchi ertaga, 27 iyun kuni bo‘lib o‘tadigan tibbiy ko‘rikdan o‘tib, Italiya jamoasi bilan 5 yillik shartnoma imzolaydi.
Tyuram 2019 yilning iyulidan beri "Borussiya M" safida to‘p suradi.
2022/23 yilgi mavsumda u jamoa safida barcha musobaqalarda 32 ta o‘yinda 16 ta gol urdi va 7 ta golli uzatmani amalga oshirdi. Hujumchining klub bilan shartnomasi 2023 yilning iyun oyi oxirigacha amal qiladi.
