Italiyaning “Milan” klubi Londonning “Chelsi” jamoasi yarim himoyachisi Ruben Loftus-CHikning transferi bo‘yicha kelishuvning barcha shartlarini yakunladi.
Jurnalist Fabrisio Romano xabariga ko‘ra, klublar o‘zaro tovon puli bo‘yicha kelishib olgan, bu qo‘shimcha pul mukofotlari bilan birga 20 million yevroni tashkil qiladi. "Rossonerilar" ulardan 16 millionini darhol, qolgan 4 millionini esa bonuslar ko‘rinishida to‘laydi.
Eslatib o‘tamiz, Loftus-CHik "Chelsi" tarbiyalanuvchisi hisoblanadi va butun faoliyati davomida hali sotilmadi.
Ruben ikki marta, avvaliga 2017 yilda "Kristal Pelas"ga, keyin esa 2020 yilda "Fulxem"ga ijaraga berilgan.
Loftus-CHik o‘tgan mavsumda Premyer-ligada 25 ta o‘yinda maydonga tushib, 1 ta golli uzatmani amalga oshirgan.
