Италиянинг “Милан” клуби Лондоннинг “Челси” жамоаси ярим ҳимоячиси Рубен Лофтус-Чикнинг трансфери бўйича келишувнинг барча шартларини якунлади.
Журналист Фабрицио Романо хабарига кўра, клублар ўзаро товон пули бўйича келишиб олган, бу қўшимча пул мукофотлари билан бирга 20 миллион еврони ташкил қилади. "Россонерилар" улардан 16 миллионини дарҳол, қолган 4 миллионини эса бонуслар кўринишида тўлайди.
Эслатиб ўтамиз, Лофтус-Чик "Челси" тарбияланувчиси ҳисобланади ва бутун фаолияти давомида ҳали сотилмади.
Рубен икки марта, аввалига 2017 йилда "Кристал Пэлас"га, кейин эса 2020 йилда "Фулхэм"га ижарага берилган.
Лофтус-Чик ўтган мавсумда Премьер-лигада 25 та ўйинда майдонга тушиб, 1 та голли узатмани амалга оширган.
