"Bavariya" hujumchi borasida yirik qadam tashladi. Xabarlarga ko‘ra, Germaniya chempioni bo‘lgan klub "Tottenxem" futbolchisi Xarri Keyn bilan shaxsiy shartlarni kelishib oldi.
Bu haqida BILD nashri jurnalisti Kristian Falk o‘z Twitter sahifasida yozdi. Endigi masala "Tottenxem" bilan narx masalasida kelishishdir.
Oldinroq "Bavariya" 31 yoshli futbolchi uchun 70 million funtlik rasmiy taklif bilan chiqqan edi. "Tottenxem" ingliz hujumchisini 100 millionga baholamoqda.