Myunxenning "Bavariya" klubi himoyachi Lyuka Ernandesni 45 million yevro evaziga "PSJ"ga qo‘yib yuborishga tayyor, deya xabar beradi jurnalist Florian Plettenberg.

Xabar qilinishicha, parijliklar avvalroq Ernandes bilan shaxsiy shartnoma shartlarini kelishib olishgan, biroq klub hozircha rasmiy taklif bilan chiqmagan. "PSJ" "Bavariya"dan narxni pasaytirishni so‘rashi mumkin.

Ernandes o‘tgan mavsumda barcha turnirlarda 11 ta o‘yinda maydonga tushib, 1 ta gol urdi va 1 ta golli uzatmani amalga oshirdi. U 2019 yildan beri nemis klubida o‘ynab kelmoqda.