Мюнхеннинг "Бавария" клуби ҳимоячи Люка Эрнандесни 45 миллион евро эвазига "ПСЖ"га қўйиб юборишга тайёр, дея хабар беради журналист Флориан Плеттенберг.
Хабар қилинишича, парижликлар аввалроқ Эрнандес билан шахсий шартнома шартларини келишиб олишган, бироқ клуб ҳозирча расмий таклиф билан чиқмаган. "ПСЖ" "Бавария"дан нархни пасайтиришни сўраши мумкин.
Эрнандес ўтган мавсумда барча турнирларда 11 та ўйинда майдонга тушиб, 1 та гол урди ва 1 та голли узатмани амалга оширди. У 2019 йилдан бери немис клубида ўйнаб келмоқда.