Lissabonning "Benfika" klubi yarim himoyachisi Joau Nevesh Angliya Premyer-ligasining top-klubiga o‘tishi mumkin, deb xabar beradi Sportskeeda.
Futbolchining xizmatlariga “Manchester Yunayted” qiziqish bildirmoqda. Yarim himoyachining transferi uchun tovon puli 60 million yevroni tashkil qiladi.
O‘tgan mavsumda Nevesh lissabonliklar safida barcha turnirlar doirasida 20ta o‘yinda maydonga tushib, bitta gol va bitta golli uzatmaga mualliflik qilgan. Joauning "burgutlar" bilan amaldagi shartnomasi 2028 yilning yoziga qadar tuzilgan.