Braziliyalik erkak barcha mol-mulkini "PSJ" hujumchisi Neymarga meros qilib qoldirmoqchi.

30 yoshli braziliyalik fuqaro vafot etgan taqdirda butun boyligi futbolchiga o‘tishini orzu qilgan. U ko‘p jihatdan Neymar bilan o‘xshashligini tushuntirdi.

"Yoshim qariyb 31 yoshda bo‘lishiga qaramay, sog‘ligim unchalik yaxshi emas. Men haqiqatan ham o‘lsam, aktivlarimni qoldiradigan hech kimim yo‘qligini tushundim.

Menga Neymar yoqadi, menning u bilan ko‘p jihatlarim o‘xshash. Men ham tuhmatdan aziyat chekaman, men ham juda oilaparvar insonman va uning otasi bilan munosabati menga allaqachon vafot etgan dadam bilan bo‘lgan munosabatimni eslatadi. Lekin, eng muhimi, men uning ochko‘z emasligini bilaman, bu hozirgi kunlarda kam uchraydi.

Aktivlarim hukumatga yoki men til topishmaydigan qarindoshlarimga beriligini xohlamayma. Men bu haqda Neymarga xabar berishga harakat qildim, ammo natija bo‘lmadi", - dedi braziliyalik erkak.

Erkakning qanday boyliklari borligi noma’lum. U o‘z vasiyatnomasini tayyorlash uchun 400 real (taxminan 75 yevro) sarflagan.