"Chelsi" himoyachi Sezar Aspilikuetaga klub bilan amaldagi shartnomasini bekor qilish va "Atletiko Madrid"ga o‘tishga ruxsat berdi. Bu haqda jurnalist Fabrisio Romano xabar bermoqda.
Manba bergan xabarga ko‘ra, endilikda 33 yoshli ispaniyalik futbolchining madridliklar jamoasiga o‘tishi uchun hamma narsa tayyor.
Eslatib o‘tamiz, Aspilikuetaning "Chelsi" bilan amaldagi shartnomasi 2024 yilning yoziga qadar mo‘ljallangan. Futbolchi 2012 yildan beri London klubi sharafini himoya qilib kelmoqda, u avvalroq “Marsel” va “Osasuna” klublarida o‘ynagan. Transfermafkt portali Ispaniya terma jamoasi futbolchisini 5 million yevroga baholamoqda.
O‘tgan mavsumda Aspilikueta "ko‘klar" safida 32 o‘yin o‘tkazdi.
