"Челси" ҳимоячи Сезар Аспиликуэтага клуб билан амалдаги шартномасини бекор қилиш ва "Атлетико Мадрид"га ўтишга рухсат берди. Бу ҳақда журналист Фабрицио Романо хабар бермоқда.
Манба берган хабарга кўра, эндиликда 33 ёшли испаниялик футболчининг мадридликлар жамоасига ўтиши учун ҳамма нарса тайёр.
Эслатиб ўтамиз, Аспиликуэтанинг "Челси" билан амалдаги шартномаси 2024 йилнинг ёзига қадар мўлжалланган. Футболчи 2012 йилдан бери Лондон клуби шарафини ҳимоя қилиб келмоқда, у аввалроқ “Марсель” ва “Осасуна” клубларида ўйнаган. Transfermafkt портали Испания терма жамоаси футболчисини 5 миллион еврога баҳоламоқда.
Ўтган мавсумда Аспиликуэта "кўклар" сафида 32 ўйин ўтказди.
