Rio-de-Janeyro prokuraturasi "PSJ" hujumchisi Neymarni ekologik qoidabuzarlik uchun jarimaga tortdi, deya xabar bermoqda G1 nashri.
Braziliyalik futbolchi o‘z uyini Rio-de-Janeyrodan 130 kilometr uzoqlikda atrof-muhitni muhofaza qilish idoralarining ruxsatisiz qurgan. Neymar 16 million Braziliya reali (taxminan 3,3 million dollar) miqdorida jarima to‘lashi kerak bo‘ladi.
Prokuror futbolchining o‘z uyida ruxsatsiz ishlaganini, noqonuniy ravishda o‘simliklar yo‘q qilgani, shuningdek, taqiqga qaramay, hovuzda suzganini aniqladi.