Fabrisio Romanoning so‘zlariga ko‘ra, "Brayton" "Ayaks" himoyachisi Kalvin Bassi bilan muzokara olib bormoqda.

Klub yangi markaziy himoyachi izlashda davom etmoqda. Avvalroq, "chayqalar" o‘tgan mavsumda ijara asosida o‘ynagan "Chelsi" futbolchisi Levi Kolvillni sotib olishga uringandi, biroq londonliklar angliyalik futbolchini sotish niyatida emasligini ta’kidladi.

Bassining nomzodini bosh murabbiy Roberto De Dzerbi qo‘llab-quvvatlamoqda. "Brayton" "Ayaks"dan futbolchining narxi haqidagi ma’lumotlarni kutmoqda.

23 yoshli nigeriyalik futbolchi chap qanotda ham o‘ynay oladi.

"Ayaks" o‘tgan yozda Kalvinni "Reynjers"dan 23 million yevro evaziga sotib olgandi.