Фабрицио Романонинг сўзларига кўра, "Брайтон" "Аякс" ҳимоячиси Калвин Басси билан музокара олиб бормоқда.
Клуб янги марказий ҳимоячи излашда давом этмоқда. Аввалроқ, "чайқалар" ўтган мавсумда ижара асосида ўйнаган "Челси" футболчиси Леви Колвиллни сотиб олишга уринганди, бироқ лондонликлар англиялик футболчини сотиш ниятида эмаслигини таъкидлади.
Бассининг номзодини бош мураббий Роберто Де Дзерби қўллаб-қувватламоқда. "Брайтон" "Аякс"дан футболчининг нархи ҳақидаги маълумотларни кутмоқда.
23 ёшли нигериялик футболчи чап қанотда ҳам ўйнай олади.
"Аякс" ўтган ёзда Калвинни "Рейнжерс"дан 23 миллион евро эвазига сотиб олганди.
