"PSJ" prezidenti Lionel Messiga jamoada o‘tkazgan yillari uchun minnatdorchilik bildirdi.
Nosir Al-Xelayfi Luis Enrikening yangi bosh murabbiy etib tayinlanishiga bag‘ishlangan matbuot anjumanida argentinalik futbolchini tilga oldi.
“Yangi jamoaga xush kelibsiz va endi bizda yangi murabbiy bor. Bu klub uchun, biz uchun, siz uchun tarixiy lahza.
Yangi bosh murabbiyimizning matbuot anjumanini boshlashdan oldin, klub uchun qo‘lidan kelganini qilgan Kristof Galtyega minnatdorchilik bildirmoqchiman.
Dunyoning eng buyuk futbolchisi Lionel Messiga ham rahmat aytmoqchiman. U biz bilan ikki ajoyib yilni o‘tkazdi. Biz Serxio Ramosni ham unutganimiz yo‘q", - dedi “PSJ” rahbari.
