"ПСЖ" президенти Лионель Мессига жамоада ўтказган йиллари учун миннатдорчилик билдирди.
Носир Ал-Хелайфи Луис Энрикенинг янги бош мураббий этиб тайинланишига бағишланган матбуот анжуманида аргентиналик футболчини тилга олди.
“Янги жамоага хуш келибсиз ва энди бизда янги мураббий бор. Бу клуб учун, биз учун, сиз учун тарихий лаҳза.
Янги бош мураббийимизнинг матбуот анжуманини бошлашдан олдин, клуб учун қўлидан келганини қилган Кристоф Галтьега миннатдорчилик билдирмоқчиман.
Дунёнинг энг буюк футболчиси Лионел Мессига ҳам раҳмат айтмоқчиман. У биз билан икки ажойиб йилни ўтказди. Биз Серхио Рамосни ҳам унутганимиз йўқ", - деди “ПСЖ” раҳбари.
