Turinning "Yuventus" klubi "Vest Xem" bilan yarim himoyachi Denis Zakariyani sotish borasida muzokaralar olib bormoqda. Bu haqda jurnalist Janluka Di Marsio o‘z saytida xabar berdi.
Manba bergan xabarga ko‘ra, "bolg‘achilar" shveysariyalik yarim himoyachi uchun 18 million yevro taklif qilishmoqda, "Yuventus" esa kamida 25 million yevro olishni istamoqda. Klub bu mablag‘ni "Lasio" yarim himoyachisi Sergey Milinkovich-Savichni sotib olish uchun sarflashni rejalashtirmoqda.
2022/2023 yilgi mavsumda Zakariya "Chelsi"da ijara asosida o‘ynadi. Shveysariyalik londonliklar uchun barcha turnirlarda 11 ta o‘yin o‘tkazib, bitta gol urgan.
