Туриннинг "Ювентус" клуби "Вест Хэм" билан ярим ҳимоячи Денис Закарияни сотиш борасида музокаралар олиб бормоқда. Бу ҳақда журналист Жанлука Ди Марцио ўз сайтида хабар берди.
Манба берган хабарга кўра, "болғачилар" швейцариялик ярим ҳимоячи учун 18 миллион евро таклиф қилишмоқда, "Ювентус" эса камида 25 миллион евро олишни истамоқда. Клуб бу маблағни "Лацио" ярим ҳимоячиси Сергей Милинкович-Савични сотиб олиш учун сарфлашни режалаштирмоқда.
2022/2023 йилги мавсумда Закария "Челси"да ижара асосида ўйнади. Швейцариялик лондонликлар учун барча турнирларда 11 та ўйин ўтказиб, битта гол урган.