Hujumchi Antuan Grizmann "Atletiko Madrid"dagi raqamini almashtirdi. “Matraschilar” matbuot xizmati xabariga ko‘ra, kelasi mavsumdan boshlab fransiyalik forvard yettinchi raqam ostida o‘ynaydi. Ilgari bu raqam portugaliyalik Joau Feliksga tegishli edi.
Eslatib o‘tamiz, Grizmann professional faoliyati davomida 7-raqam ostida o‘ynagan. U “Atletiko”dan “Barselona”ga ketganidan so‘ng bu raqam Feliksga berilgan edi.
Antuan Madrid klubiga 2021 yilda qaytgan. Futbolchi va madridliklar o‘rtasidagi shartnoma muddati 2026 yilning o‘rtalariga qadar mo‘ljallangan.
Grizmann o‘tgan mavsumda La Ligada 38 ta o‘yinda maydonga tushib, 15 ta gol urdi va 16 ta golli uzatmani amalga oshirdi.
