Ҳужумчи Антуан Гризманн "Атлетико Мадрид"даги рақамини алмаштирди. “Матрасчилар” матбуот хизмати хабарига кўра, келаси мавсумдан бошлаб франциялик форвард еттинчи рақам остида ўйнайди. Илгари бу рақам португалиялик Жоау Феликсга тегишли эди.
Эслатиб ўтамиз, Гризманн профессионал фаолияти давомида 7-рақам остида ўйнаган. У “Атлетико”дан “Барселона”га кетганидан сўнг бу рақам Феликсга берилган эди.
Антуан Мадрид клубига 2021 йилда қайтган. Футболчи ва мадридликлар ўртасидаги шартнома муддати 2026 йилнинг ўрталарига қадар мўлжалланган.
Гризманн ўтган мавсумда Ла Лигада 38 та ўйинда майдонга тушиб, 15 та гол урди ва 16 та голли узатмани амалга оширди.
