"Tottenxem" hujumchisi Risharlison mart oyida jamoadagi holati haqida keskin gapirdi. Braziliyalik futbolchi maydonda kam vaqt o‘tkazayotganidan norozi bo‘ldi.
"Men o‘sha intervyuda shunday deb xato qildim. Keyinroq uzr so‘radim va Kontega meni jazolashi mumkinligini aytdim. U bu yerda mas’ul ekanini ko‘rsatishga qaror qildi. Deyarli ikki soat davomida butun jamoa oldida meni so‘kdi" - dedi Risharlison Que Papinho! telekanalida.
Eslatib o‘tamiz, mart oyi oxirida Antonio Konte "Tottenxem" bosh murabbiyi lavozimini tark etgandi. Yaqinda avstraliyalik mutaxassis Anj Postekoglu jamoani qabul qilib oldi.
