"Тоттенхэм" ҳужумчиси Ришарлисон март ойида жамоадаги ҳолати ҳақида кескин гапирди. Бразилиялик футболчи майдонда кам вақт ўтказаётганидан норози бўлди.
"Мен ўша интервьюда шундай деб хато қилдим. Кейинроқ узр сўрадим ва Контега мени жазолаши мумкинлигини айтдим. У бу ерда масъул эканини кўрсатишга қарор қилди. Деярли икки соат давомида бутун жамоа олдида мени сўкди" - деди Ришарлисон Que Papinho! телеканалида.
Эслатиб ўтамиз, март ойи охирида Антонио Конте "Тоттенхэм" бош мураббийи лавозимини тарк этганди. Яқинда австралиялик мутахассис Анж Постекоглу жамоани қабул қилиб олди.
