"Chelsi" bosh murabbiyi Maurisio Pochettino o‘z jamoasini o‘tgan mavsumda APL, Angliya kubogi va Chempionlar ligasida g‘olib chiqqan "Manchester Siti"ga qiyosladi.
"Biz "Chelsi" "Manchester Siti" kabi jamoa bilan raqobatlasha olishiga ishonishimiz kerak. Bu qiyin bo‘ladi. Men Xosep Gvardiolani ajoyib muvaffaqiyat bilan tabriklamoqchiman. Klubning yildan-yilga qanday ishlashini va barqarorlikni saqlab qolishini ko‘rish aql bovar qilmaydi", - dedi Pochettino matbuot anjumanida.
Eslatib o‘tamiz, Pochettino jamoa mavsumni APL turnir jadvalida o‘n ikkinchi o‘rinda yakunlaganidan keyin "Chelsi"ni qabul qilib oldi. Maurisio avvalroq Angliyada “Tottenxem” va “Sautgempton” jamoalari boshqaruvida ishlagan.
