Himoyachi Lyuka Ernandes "Bavariya"dan "PSJ"ga o‘tishi haqida fikr bildirdi.

"Men uzoq vaqtdan beri bunday transferni orzu qilardim, endi bu amalga oshdi. Men juda baxtliman, men uchun baxtli kun.

Bu yerda katta muvaffaqiyatlarga erishmoqchiman. Maqsadlarimga erishish uchun bor kuchimni ishga solishga va’da beraman.

Ha, yoshim tufayli hali ko‘p narsalarni o‘rganishim kerak. Lekin sovrinlar menga eng ko‘p motivasiya beradi.

Men g‘alaba qozonish uchun o‘ynayman va “PSJ” bilan hamma narsada g‘alaba qozonishni istayman”, — deya Ernandesning so‘zlarini keltiradi Parij klubi matbuot xizmati.

27 yoshli fransiyalik parijliklar bilan 2028 yilgacha mo‘ljallangan shartnoma imzoladi.

Ernandes myunxenliklar safida 2019 yildan beri o‘ynab kelmoqda. U jamoa safida 107 ta o‘yin o‘tkazib, 2 ta gol urdi va 8 ta golli uzatmani amalga oshirdi.

U 4 marta Germaniya chempioni bo‘ldi, Chempionlar ligasi va UEFA Superkubogini qo‘lga kiritdi.