Ҳимоячи Люка Эрнандес "Бавария"дан "ПСЖ"га ўтиши ҳақида фикр билдирди.

"Мен узоқ вақтдан бери бундай трансферни орзу қилардим, энди бу амалга ошди. Мен жуда бахтлиман, мен учун бахтли кун.

Бу ерда катта муваффақиятларга эришмоқчиман. Мақсадларимга эришиш учун бор кучимни ишга солишга ваъда бераман.

Ҳа, ёшим туфайли ҳали кўп нарсаларни ўрганишим керак. Лекин совринлар менга энг кўп мотивация беради.

Мен ғалаба қозониш учун ўйнайман ва “ПСЖ” билан ҳамма нарсада ғалаба қозонишни истайман”, — дея Эрнандеснинг сўзларини келтиради Париж клуби матбуот хизмати.

27 ёшли франциялик парижликлар билан 2028 йилгача мўлжалланган шартнома имзолади.

Эрнандес мюнхенликлар сафида 2019 йилдан бери ўйнаб келмоқда. У жамоа сафида 107 та ўйин ўтказиб, 2 та гол урди ва 8 та голли узатмани амалга оширди.

У 4 марта Германия чемпиони бўлди, Чемпионлар лигаси ва УEФА Суперкубогини қўлга киритди.