Ispaniyalik darvozabon David de Xea faoliyatini Saudiya Arabistoni chempionatida davom ettirishi mumkin, deya xabar beradi insayder Nikolo Skira.
Manbaning xabariga ko‘ra, nomi oshkor etilmagan Saudiya klublari allaqachon 32 yoshli ispaniyalik bilan shartnoma imzolash bo‘yicha muzokaralarni boshlab yuborishgan.
Eslatib o‘tamiz, avvalroq De Xea klubdagi 12 yillik faoliyatidan so‘ng "Manchester Yunayted"ni erkin agent sifatida tark etgandi.
O‘tgan mavsumda De Xea 58 o‘yinda 61 gol o‘tkazib yubordi va 25 o‘yinda darvozasini daxlsiz saqladi.