Kelvin Fillips Qatarda bo‘lib o‘tgan jahon chempionatidan keyin ortiqcha vaznga ega bo‘lganligi haqidagi izohlardan noqulay ahvolga tushdi.

JCHdan so‘ng “Manchester Siti” bosh murabbiyi Pep Gvardiola yarim himoyachining ortiqcha vazn bilan qaytganini aytdi.

"Menda ortiqcha vazn yo‘q edi, lekin murabbiy boshqacha fikrda bo‘lishi aniq. Men buni qabul qildim va imkon qadar jamoaga mos bo‘lish uchun qo‘limdan kelganini qildim.

Qabul qilish biroz qiyin edi, chunki bu juda bo‘rttirilgan va ko‘pchilik bu haqda gapirgan. Shundan so‘ng men “Lids”ga qarshi o‘yinda zaxira o‘rindig‘ida qoldim va o‘shandan beri har bir o‘yinda tayyorman”, – dedi “Manchester Siti” yarim himoyachisi.