Кэлвин Филлипс Қатарда бўлиб ўтган жаҳон чемпионатидан кейин ортиқча вазнга эга бўлганлиги ҳақидаги изоҳлардан ноқулай аҳволга тушди.
ЖЧдан сўнг “Манчестер Сити” бош мураббийи Пеп Гвардиола ярим ҳимоячининг ортиқча вазн билан қайтганини айтди.
"Менда ортиқча вазн йўқ эди, лекин мураббий бошқача фикрда бўлиши аниқ. Мен буни қабул қилдим ва имкон қадар жамоага мос бўлиш учун қўлимдан келганини қилдим.
Қабул қилиш бироз қийин эди, чунки бу жуда бўрттирилган ва кўпчилик бу ҳақда гапирган. Шундан сўнг мен “Лидс”га қарши ўйинда захира ўриндиғида қолдим ва ўшандан бери ҳар бир ўйинда тайёрман”, – деди “Манчестер Сити” ярим ҳимоячиси.
