"Lion" o‘z safida hujumkor yarim himoyachi Rayan Sherkini saqlab qolmoqchi.
19 yoshli futbolchini "Chelsi" nishonga oldi, u tez orada rasmiy transfer taklifi bilan chiqishi mumkin. Jurnalist Ed Aaronsning so‘zlariga ko‘ra, londonliklar uchun kelishuvni amalga oshirish juda qiyin bo‘ladi, chunki "Lion" qiziqishlarga qaramay, bu yozda o‘sib borayotgan yulduzni saqlab qolishga qaror qilgan.
Fransiya 1-ligasining so‘nggi mavsumida Rayan Sherki 34 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Shuningdek, futbolchi Fransiya yoshlar terma jamoasi safida 12 ta o‘yinda maydonga tushib, 5 ta gol urgan.
