"Verona" va "Torino" "Atalanta"ning rossiyalik yarim himoyachisi Aleksey Miranchukni o‘z safiga qo‘shib olmoqchi. Metaratings.ru xabariga ko‘ra, klublar 27 yoshli rossiyalik futbolchi uchun 5-6 million yevro to‘lashga tayyor.

"Atalanta" taklif qilingan summadan qoniqmayapti, chunki ular kamida 8-9 million yevro olishni yoki futbolchi bilan shartnomani uzaytirib, uni majburiy sotib olish imkoniyati bilan ijaraga berishni istashmoqda.

Miranchuk o‘tgan mavsumda ijara asosida "Torino" safida 31 ta o‘yinda maydonga tushib, 4 ta gol urdi va 6 ta golli uzatmani amalga oshirdi. Futbolchining "Atalanta" bilan amaldagi shartnomasi 2024 yilning yoziga qadar tuzilgan. Transfermarkt Miranchukning narxini 12 million yevroga baholamoqda.