"Верона" ва "Торино" "Аталанта"нинг россиялик ярим ҳимоячиси Алексей Миранчукни ўз сафига қўшиб олмоқчи. Metaratings.ru хабарига кўра, клублар 27 ёшли россиялик футболчи учун 5-6 миллион евро тўлашга тайёр.
"Аталанта" таклиф қилинган суммадан қониқмаяпти, чунки улар камида 8-9 миллион евро олишни ёки футболчи билан шартномани узайтириб, уни мажбурий сотиб олиш имконияти билан ижарага беришни исташмоқда.
Миранчук ўтган мавсумда ижара асосида "Торино" сафида 31 та ўйинда майдонга тушиб, 4 та гол урди ва 6 та голли узатмани амалга оширди. Футболчининг "Аталанта" билан амалдаги шартномаси 2024 йилнинг ёзига қадар тузилган. Transfermarkt Миранчукнинг нархини 12 миллион еврога баҳоламоқда.
