Huquqlari "Milan"ga tegishli bo‘lgan "Empoli"ning yangi futbolchisi Daniel Maldini o‘zining transferi haqida fikr bildirdi.

"Empoli"ni tanladim, chunki ular birinchi bo‘lib qiziqish bildirishgandi, ular meni juda xohlashlarini his qildim.

Umid qilamanki, men to‘g‘ri tanlov qildim. Maydonda bor kuchimni berishga harakat qilaman. Men "Milan"ga qaytamanmi? Bu klubni yaxshi ko‘raman, xohlayman, lekin ishonchim komil emas", - dedi  kichik Maldini.

21 yoshli Maldini "Milan" tarbiyalanuvchisi hisoblanadi. O‘tgan mavsumda futbolchi "Spesiya"da ijara asosida o‘ynagan va 20ta o‘yinda 3ta gol urgan. Futbolchining transfer narxi 3 million yevroni tashkil qiladi.