"Tottenxem"ning daniyalik yarim himoyachisi Pyer-Emil Xyoybyerg "Atletiko Madrid"ga o‘tishga tobora yaqinlashmoqda.

Jurnalist Matteo Morettoning so‘zlariga ko‘ra, “matraschilar” rahbariyati bir haftadan ko‘proq vaqtdan buyon “shporlar” bilan muzokara olib bormoqda.

Xabar qilinishicha, yaqin orada daniyalikning hozirgi klubi bilan muzokaralar oldinga siljiydi.

Eslatib o‘tamiz, "Tottenxem"ning 27 yoshli futbolchisining narxi 45 million yevroni tashkil qiladi. Xyoybyerg ingliz top-klubi uchun 145 ta o‘yinda 10 ta gol urgan.