"Liverpul" Londonning "Chelsi" klubiga Moyses Kaysedoning transferini amalga oshirishga to‘sqinlik qilishi mumkin.

Liverpool Echo xabariga ko‘ra, Yurgen Klopp jamoasi yaqin kelajakda "chag‘alaylar" yarim himoyachisi uchun kurashga aralashishi mumkin.

Kaysedoning transferi uchun kurashishda “Liverpul” avvalo Fabinyo va Jordan Xendersonni sotishi kerak.

E’tiborlisi, ikkala futbolchi uchun "Liverpul" umumiy hisobda 50 million yevrodan ko‘proq pul so‘ramoqda. Ushbu futbolchilarga Saudiya klublari qiziqish bildirgan.

"Chelsi" va "Brayton" Kaysedo bo‘yicha bir necha haftadan beri muzokara olib borishmoqda, ammo ekvadorlik futbolchining transferi borasida haligacha kelisha olmayapti. “Brayton” yarim himoyachi uchun 100 million yevro talab qilmoqda.